Fella sósíalistar ríkisstjórn Íslands?
Þrír vanir og þekktir pólískir rýnar velta fyrir sér stöðu og framtíð Sósíalistaflokksins, sem er jafnvel ógn við ríkisstjórnina. Þeir gætu tekið Vinstri græn á taugum.
Össur Skarphéðinsson, fyrrverandi formaður Samfylkingarinnar, fjallaði í gær um Sósíalistaflokkinn og stöðu hans í borgarstjórn, og eins sagði hann að drottningin í stórnsrráðinu þyrfti að gæta sín.
Árni M. Mathiesen, fyrrverandi fjármálaráðherra tekur þátt í umræðunni,
„Sanna er eflaust efnileg ef ekki bara orðin góð. Gunnar Smári verður að fá að eiga sitt sem er stórt í þessum sigri. Hvernig tekst þó til í borgarstjórninni vitum við ekki frekar en hvernig Sósíalistaflokkurinn kæmi út í Alþingiskosningum. Mér finnst þó að í enda greiningar Össurar gæti hann auðveldlega skipt VG og Drottningunni út fyrir Samfylkinguna!“
Þarna kemur lauflétt skot á Össur. En Össur er ekki hættur að fjalla um Sósíalistaflokkinn og Sönnu Magdalenu.
„Fyrir utan að hafa sjálf talent er líka nokkuð snjallt fólk í kringum borgarfulltrúa Sósíalista. Það er greinilega með plan. Partur af því er væntanlega að halda algeru sjálfstæði, og láta hvergi spyrða sig. Sanna virðist talent og með málefnalegri gagnrýni frá vinstri, þá gætu Sósíalistar með hana í frontinum farið ansi illa með VG í næstu þingkosningum. Ég ætla mas. að leyfa mér að halda fram að að árangur þeirra dragi verulega úr líkum á því að stjórnin haldi velli út kjörtímabilið.“
Egill Helgason tekur einnig þátt og bætir við:
„Það gæti hugsast að Sósíalistar valdi slíkum óróa í VG að leiði til stjórnarslita á einhverjum tímapunkti. Hins vegar eru þrjú og hálft ár til kosninga. Afar lítil spurn eftir því að kosið verði upp á nýtt. Og svo er hitt að eitt sæti í borgarstjórn býður ekki upp á mikla möguleika til fanga athygli almennings eða fjölmiðla.“
