Gunnari Smára Egilssyni, forsprakka Sósíalistaflokksins, brá heldur betur í brún þegar hann ætlaði að upplifa bragð bernskunnar og vonaðist til að verða 9 ára aftur. Það reyndi hann með því að smakka möndur frá Freyju en fékk svo algjört sjokk þegar hann las innihaldslýsinguna.
Gunnar Smári lýsir upplifun sinni í færslu á Facebook.
„Ég smakkaði Freyju möndlur um daginn til að athuga hvort þetta virkaði áfram, að ég yrði 9 ára aftur. En þetta var bara eitt augnablik, fyrsta skiptið sem maður smakkar eitthvað sem maður hefur ekki bragðað í langan langan tíma.
Meðan ég maulaði möndlurnar las ég innihaldslýsinguna: sykur, glúkósasíróp, pálmakjarnafeiti, pálmaolía, sheasmjör, kókosfeiti, mjólk, lakkrískjarni, ein- og tvíglýseríð fitusýra, salt, bývax, kamúbavax, skellakk og karmín. Gæti innihaldið hveiti og möndlur. Þetta hljómar ekki spennandi. Ólíklegt að ég gæti búið þetta til heima í eldhús.“