Það fór sem marga grunaði. Ríkisstjórnin ákvað í fyrra að styrkur til annarra fjölmiðla en RÚV yrði bara til eins árs. Þannig var þess freistað að hemja þá og temja. Þess sést vel stað í fjárlagafrumvarpinu núna. Þá er látið líta út sem styrkurinn verði minni nú en síðast.
Svo verður ekki. Ríkisstjórnin bíður þess að fjölmiðlarnir bugti sig beygi í von um að fá meiri peninga en útlit er fyrir, rétt sem stendur. Það verða afgerandi kosningar í vor. Þá finnst þeim gott að hafa taumhald á fjölmiðlunum. Þá er heppilegt að skammta úr hnefa.
Aldrei virðist hafa komið til greina að ákveða styrkinn til lengri tíma. Nei, fjölmiðlar skulu fá að muna að ekki verður bitið í höndina sem fæðir þá.
Miðjan sækir ekki um ríkisstyrki.
Þú gætir haft áhuga á þessum
