![](https://www.midjan.is/wp-content/uploads/2019/06/Tómas-Guðbjartsson.jpg)
Tómas Guðbjartsson skrifar:
Ólíkt fallhlífum, liggja hins vegar fyrir mjög vandaðar rannsóknir á jákvæðum áhrifum bólusetninga við Covid-19.
![](https://www.midjan.is/wp-content/uploads/2021/12/tg.jpg)
Það er ótrúlegt að sjá ungt fólk taka þátt í bullrannsókn þar sem bera á saman veikindi bólusettra og óbólusettra við Covid-19. Niðurstaðan er álíka augljós og ef borið væri saman hvort fallhlífar fyrirbyggi dauða eða ekki þegar stokkið er út úr flugvél í mikilli hæð. Reyndar hefur aldrei verið gerð slembuð samanburðarrannsókn á notagildi fallhlífa til að fyrirbyggja dauða við fallhlífarstökk – enda erfitt að finna fólk í samanburðarhóp. Sumir óbólusettir virðast hins vegar lemja hausnum við steininn og bjóða sig fram í einhvers konar harakiri; tilraun þar sem þeir stofna ekki aðeins eigin heilsu í voða – heldur einnig velferð annarra. Ólíkt fallhlífum, liggja hins vegar fyrir mjög vandaðar rannsóknir á jákvæðum áhrifum bólusetninga við Covid-19. Því miður hlakka ég ekki til að sjá niðurstöðuna úr þessu fallhlífausa fallhlífarstökki.