„Mikill hugsuður kveður sér hljóðs og harmar að VG sé að eyðileggja xD frá vinstri, en hann telur samkvæmt flokkaættfræði að sá flokkur sé afkomandi Kommúnistaflokks Íslands sem lagður var niður 1938,“ skrifar Guðmundur Ólafsson hagfræðingur að loknu lestri greinar Ólafs Ísleifssonar hagfræðings og alþingismanns Miðflokksins.
„Jafnframt telur hugsuðurinn að S.Á. Andersen hafi verið fleygt út úr ráðherraembætti af þessum kommúnistum, ekkert minnst á Hæstarétt hvað þá Mannréttindadómstóla. Löngum hefur orðið Kommúnisti verið notað um allt sem slæmt er, enda vanburðugir menn trauðla upplýstir um hvað það orð þýðir. Því ber að fagna svo viturlegum mannvitssprengjum þar sem þessu 100 ára gamla kjaftæði er komið á réttan hatt til okkar aumingjanna,“ skrifar Guðmundur um kollega sinn.
