Umræðan Á síðustu tveimur árum hafa stofnanir Evrópusambandsins veitt styrki til ýmissa mikilvægra rannsókna og verkefna her á landi. Þessir styrkir nema miljörðum króna. Helsta málgagn andstæðinga aðildar að Evrópusambandinu, Morgunblaðið, hefur að jafnaði greint frá þessum styrkjum í stuttum eindálka fréttum í innblaði. Fyrir nokkrum dögum sagði blaðið í 10 sentimetra eindálka frétt: „Verkefni hjá Orkuveitunni fær risastyrk“.
Í fréttinni segir frá því,að Orkuveitan, í samstarfi við Háskóla Íslands og erlendar vísindastofnanir, hafi fengið tvo styrki að fjárhæð um 1,6 miljarða króna frá Evrópusambandinu til að þróa áfram binding koltvíoxsíðs við grjót. Þetta verkefni hófst árið 2007 og hefur leitt til verulegs samdráttar við losun jarðhitalofts frá Hellisheiðarvirkjun. – Þessi mikilvægi styrkur hefði við eðlilega aðstæður verið forsíðufrétt.
Þversögnin í andstöðu Morgunblaðsins við Evrópusambandið birtist í þeirri staðreynd, að blaðið mótmælir ekki þessum styrkveitingum frá hinu stórhættulega Evrópusambandi, sem hefur verið málað eins og skrattinn sjálfur á veggi blaðsins.
Árni Gunnarsson.
