Sigurjón Þórðarson skrifaði:
Hvers eiga Norðlendingar og aðrir sem hafa orðið fyrir; tjóni í óveðrinu, að gjalda? Til viðbótar framangreindu tjóni, hættu og óþægindum eru Norðlendingar sakaðir um í fjölmiðlum, að hafa skapað sér sitt eigið víti!
Áburðurinn kemur úr hörðustu átt þ.e. frá þeim sem bera ábyrgð stöðu innviða á borð við framkvæmdastjóra Neyðarlínunnar, forstjóra Landsnets og jafnvel einstaka ráðherra á borð við Sigurð Inga og Þórdísi K.R.G. Sveitarstjórnarfólk, landeigendur og jafnvel lögregla er ýmist sagt fara rangt með stöðu mála eða hafa jafnvel dregið lappirnar í að koma á nauðsynlegum úrbótum.
Það er ljóst að öll skipulagsvinna varðandi Sauðárkrókslínu 2 var lokið af hálfu Sveitarfélagsins Skagafjarðar árið 2009 og því lítilmannlegt af forstjóra Landsnets að vísa allri ábyrgð frá sér og heim í hérað á frumstæðum flutningsbúnaði heim á Krók.
Úr bæjum og þorpum hafa verið fjarlægðar dísilrafstöðvar og sömuleiðis olíubirgðir til þess að láta þær snúast. Fækkað hefur verið verulega í öllum viðbúnaði RARIK á landsbyggðinni á meðan skrifstofan í Reykjavík hefur fitnað eins og sjá má á stórmerkilegri samantekt sem Álfhildur Leifsdóttir sveitarstjórnarmaður í Skagafirði tók saman.
