„Telur ráðherra ástæðu til að ætla að meðalfermetrakostnaður við fyrirhugaðar lagfæringar á núverandi húsnæði Landspítalans verði lægri, hærri eða sambærilegur og kostnaður við lagfæringar á ráðuneytinu?“
Þannig spyr Sigmundur Davíð Bjarna Benediktsson, en unnið hefur verið að endurbótum í Arnarhvoli, þar sem ráðuneyti Bjarna er.
En hvað hefur kostað að laga ráðuneytið: „Hversu mikill, að núvirði, var heildarkostnaður við þær viðgerðir sem gerðar hafa verið á húsnæði fjármála- og efnahagsráðuneytisins á undanförnum árum?“
Og hvað kostar hver fermetri: „Hversu mikill, að núvirði, var meðalkostnaður á fermetra vegna viðgerða á þeim hluta húsnæðis ráðuneytisins sem lagfærður hefur verið á undanförnum árum?“
Og svo er að samanburðurinn: „Verði meðalviðgerðarkostnaður vegna þess 57.000 fermetra húsnæðis Landspítalans við Hringbraut sem til stendur að nýta áfram jafnmikill á fermetra og kostnaður við lagfæringar á ráðuneytinu hver verður þá heildarkostnaðurinn á núvirði?“
Og svo þessi spurning frá Sigmundi Davíð til Bjarna: „Hversu mikill yrði þessi kostnaður ef Læknagarði, húsnæði Háskóla Íslands, yrði bætt við?“
