Mörgu er stungið að ritstjóra Miðjunnar. Sumt er ágætt. Annað alls ekki. Eitt af því sem var snarlega sett í seinni hópinn var merkileg saga. Sagan er sú að „Moggaarmur“ Sjálfstæðisflokksins vilji formannsskipti. Þar er svo sem ekki ýkja merkilegt. Hitt er annað. Það er framtíðarsýnin.
Já, hver er hún? Hún er sú að unnið verði með hraði að sameiningu Sjálfstæðisflokks og Miðflokks. Sjálfstæðisflokkur haldi nafninu. Formaður Miðflokksins, Sigmundur Davíð, verði hins vegar formaður.
Kenningin hefur borist ritstjórninni frá tveimur íhaldssömum Sjálfstæðismönnum. Báðum ágætum. Við lestur Moggans í morgun rifjaðist kenningin upp. Tveir af þingmönnum Miðflokksins með greinar í „málgagninu“.
Þú gætir haft áhuga á þessum
-sme
