„Ábyrgð flokksins er mikil enda blasir við að þessi ákvörðun mun geta skapað ríkissjóði milljarða skaðabótaskyldu.“
Vilhjálmur Birgisson.
„Það er með ólíkindum ef Sjálfstæðisflokkurinn ætlar að láta þessa gerræðislegu og ólöglegu ákvörðun matvælaráðherra um bann við hvalveiðum standa óhaggaða. Ábyrgð flokksins er mikil enda blasir við að þessi ákvörðun mun geta skapað ríkissjóði milljarða skaðabótaskyldu.
Rétt að halda því enn og aftur til haga að tekjutap starfsmanna Hvals nemur um 1,2 milljarði vegna þessara ákvörðunar,“ skrifar Vilhjálmur Birgisson.
„Það er rétt að rifja upp að Sjálfstæðisflokkurinn og Framsóknarflokkurinn höfnuðu alfarið að bann við hvalveiðum yrði inn í stjórnarsáttmálanum en matvælaráðaherra hunsar það algerlega.
Er hægt að láta lítillækka sig meira en þetta? Því miður sýnist mér að of stór hluti af forystu í Sjálfstæðisflokkunum sé nákvæmlega sama þótt flokkurinn sé niðurlægður eins nú hefur verið gert.
Munum að öll samfélög ganga út á að tryggja fólki atvinnu sem skilar auknum gjaldeyristekjum fyrir þjóðarbúið.“
