Er fjárfesting Icelandair Group upp á 1,9 ma.kr. fyrir 50% hlut Lindarvatni töpuð?
Ragnar Þór Ingólfsson skrifar:
Svar mitt við rakalausum ásökunum í minn garð undanfarna daga og vikur um málefni Icelandair, Landssímareitinn og Lindarvatn ehf.
Svarið er ítarlegt eða í 50 liðum þar sem tilraun er gerð til að lýsa staðreyndum, tímalínu og tengslum með opinberum gögnum og síðast en ekki síst að spyrja nauðsynlegra spurninga sem ekki hefur tekist að fá svör við.
Sjá síðustu þrjá liði samantektarinnar sem lesa má í heild sinni í grein minni í Kjarnanum.
48. Að lokum mætti framkvæmdastjórinn Jóhannes uppfæra svör sín og bæta við umfjöllun um neyðarlán IG til félagsins og nýlegar viðbótar lántökur. Staðreyndir sem honum voru kunnar á þeim tíma en hann ákvað að sleppa að fjalla um.
49. Eftir stendur spurningin: Er fjárfesting Icelandair Group upp á 1,9 ma.kr. fyrir 50% hlut Lindarvatni töpuð? Miðað við veðbókarvottorð er áhvílandi um 12 milljarðar króna en í útgáfulýsngu skuldabréfa er áætlað verðmæti Landsímareitsins 10,5 milljarðar króna við verklok.
50. Samantekt þessi hlýtur að kalla á óháða rannsókn á málinu í heild sinni. Hvernig getur virði Lindarvatns hækkað úr 934 m.kr. í 3.800 m.kr. á 8 mánuðum? Hverjar voru forsendur viðskiptanna? Hver er skuldbinding IG vegna leigusamnings um fasteignir á Landssímareit? Fjárfestar hljóta að gera kröfu um að allar upplýsingar um þetta mál verði opinberar áður en þeir taka þátt í hlutafjárútboði.
