Stjórnmál Willum Þór Þórsson, þingmaður Framsóknarflokksins, sagðist á Sprengisandi í gær gera ráð fyrir að allur þingflokkur Framsóknarflokksins standi að baki Eyglóu Harðardóttur félagsmálaráðherra í skærunum vpið Bjarna Benediktsson fjármálaráðherra.
Fyrr í þættinum sagði Elín Björg Jónsdóttir, formaður BSRB: „Ég hef kallað eftir efndum á loforðum um húsnæðismálunum. Mér finnst þetta allt sýna hversu ein Eygló er í ríkisstjórninni um þessi stóru mál. Það er óhugguleg staða. Ég heyri ekki einu sinni Framsóknarmennina á þingi standa með henni í þessu mikilvæga máli.“
Stjórnarandstöðuþingmennirnir Helgi Hrafn Gunnarsson Pírötum og Óttarr Proppé Bjatrti framtíð sögðust ekki geta tekið afstöðu til málsins, þeir hafi ekki séð frumvörp Eyglóar og meðan svo er viti þeir ekki innhald þeirra eða kostnaðinn af þeim.
Elín Björg er áhyggjufull um stöðu þess fólks sem bágust hefur kjörin. „Fólkið með lægstu launin fékk ekki niðurfellingar á húsnæðislánum, það fólk hefur aldrei haft efni á að kaupa sér húsnæði. Það er mikil reiði. Fólkið sem er búið að vera á leigumarkaði árum og áratugum saman hefur borgað hækkandi húsaleigu er ekki að fá nokkurn skapaðan hlut til baka. Þetta eru stórir hópar og mikið til ungt fólk. Fólk sem má ekki við þeim íþyngjandi aðgerðum sem húsnæðið er og því til viðbótar er þetta fólk að flytja jafnvel mörgum sinnum á ári. Það er algjör óstöðugleiki í húsnæðismálunum,“ sagði hún.
Þingflokksfundur Framsóknaflokks verður í dag. Þar kemur í ljós hversu sterkt bakland Eyglóar er innan eigin flokks.
