Guðmundur Andri Thorsson skrifaði á Facebook:
„Er ekki bara best að kjósa Framsókn? Eigum við nokkuð betra skilið? Er það ekki bara í okkar DNA? Framsókn og verðbólga, dýr lán, basl og bílavesen, örvænting um hver mánaðamót – hversu háar verða afborganirnar? Er það ekki bara svona sem við erum? Framsókn og verðbólga? Nei, auðvitað ekki. Krónuhagkerfið er ekki náttúrulögmál. Og það er nákvæmlega ekkert í DNA Íslendinga sem endurspeglar þann auma gjaldmiðil, sem nýtist ekki öðrum en þeim ríku sem sjálf gera sinn rekstur upp í alvöru gjaldmiðli, evru.“
Páll Ásgeir Ásgeirsson skrifaði:
„Þvaður eins og þetta er móðgun við allt það fólk sem baslar í erfiðum aðstæðum við að láta enda ná saman. Einmitt þá mætir maður í grænum kaupfélagsgalla og segir að þetta sé allt saman okkur að kenna. Það er löngu tímabært að þessi vesæla ríkisstjórn leggi árar í bát og leyfi okkur að kjósa. Þetta er löngu orðið nóg.“
