Davíð Oddsson var einn ræðumanna á fundi um frelsi. Ég nennti ekki að lesa frétt Moggans um fundinn. Myndin af fundinum kveikti hugsanir um frelsi. Um frelsi Davíðs Oddssonar ritstjóra Moggans. Hann er einmitt á mynd Moggans.
Er Davíð Oddsson frjáls maður? Er hann rétti maðurinn til að hafa framsögu um frelsi? Nei er svarið við báðum þessum spurningum. Davíð er ekki frjáls maður.
Davíð er stýrir öðru af tveimur dagblöðum landsins. Því eldra. Blaðið er rekið með umtalsverðu tapi ár eftir ár. Jafnvel öll þau ár sem Davíð hefur verið ritstjóri, nema kannski eitt.
Eigendur blaðsins eru ósínkir á peninga til að viðhalda taprekstrinum. Þar með atvinnu og stöðu Davíðs Oddssonar. Eigendurnir eru í hópi erfiðustu sérhagsmunaseggja þjóðarinnar. Hjá þeim eru milljarðar og aftur milljarðar undir. Davíð hefur gengið þessu fólki á hönd.
Ef minnið bregst ekki „missti“ Mogginn af fréttunum um verðlagningu á makríl, alveg eða að mestu. Dæmigert.
Eigendur Moggans þekkja bara ekki annað en að ná sínu fram. Gagnvart ríkisvaldinu, gagnvart sveitarfélögum, gagnvart starfsfólki og því ekki gagnvart Davíð og Mogganum, sem er jú í þeirra eigu?
