Er Davíð með Jóhönnu á heilanum?

Tilgangur eigenda Moggans er fyrst og síðast sá að verjast breytingum á kvótakerfinu, að verjast inngöngu Íslands í Evrópusambandsins og svo að berjast gegn breytingum á stjórnarskrá. Breytingar á stjórnarskránni er verk leiðarahöfundarins í dag.

Tækifærið er notað til að hnýta í Jóhönnu Sigurðardóttur og ríkisstjórn hennar. Allt samkvæmt Moggahefð.

„Það er eng­inn áhugi með þjóðinni eft­ir „nýrri stjórn­ar­skrá“.“ Þetta segir í leiðaranum. Bara enginn áhugi segir Mogginnn. Ekki einn einasti er fullyrt í Mogganum. Þá að hruninu:

„Þó er því haldið fram með reglu­bundn­um hætti. Af hverju fór málið af stað með ógn­væn­leg­um póli­tísk­um þunga 2009? Hreina vinstri­stjórn­in skolaðist inn á þing með drjúgt fylgi eft­ir vel skipu­lagt upp­nám þjóðar­inn­ar, grjót­kast og hávaða sem gerði Alþingi ill­fært að sinna sín­um verk­um. Hæpið er að nokk­ur rík­is­stjórn í sögu lands­ins hafi tapað fylgi jafn hratt og „eina hreina vinstri­stjórn­in“. Eft­ir 24 mánuði var nauðsyn­leg­ur stuðning­ur við hana fok­inn burt, jafnt inn­an sem utan þings. Samt hékk hún eins og óþveg­in tuska á snúru uns sein­ustu klemm­urn­ar gáfu sig.“

Þetta orðaval vekur upp spurningar um hver sé höfundur leiðarans. Þetta er ekki svo líkt Davíð. Jæja, leyfum Davíð að njóta vafans,

„Alþjóðlega banka­áfall­inu, sem vissu­lega átti ís­lenska hlið, var á hinn bóg­inn snúið upp í sér­ís­lenskra gerð úr tengsl­um við allt annað. Með at­beina Rík­is­út­varps­ins og fjöl­miðla Baugs voru spunn­ar upp sak­ir sem beindu sjón­um frá þeim sem höfðu mis­notað láns­traust þjóðar­inn­ar út á við í eig­in þágu og blindað stjórn­mála­menn til að af­neita aðvör­un­ar­orðum um hvað stefndi óhjá­kvæmi­lega í. Mark­miðið með of­beldisaðgerðunum í bland við föls­un nýliðinn­ar sögu var að steypa um grunnstoðum á Íslandi þegar þjóðin næði ekki vopn­um sín­um vegna tíma­bund­ins fárs. Það átti að læða land­inu inn í ESB með „vís­un“ til þess að hefði landið verið þar inni þá hefði ekk­ert „hrun“ orðið.“

Sama gamla tuggan. Já, Mogginn gleymir ekki að hann ætlar að verjast breytingum á stjórnarskránni:

„Stjórn­ar­skrá á að breyta seint og hægt og allra síst í upp­blásnu ástandi knúnu fram í krafti skipu­lagðrar múgæs­ing­ar. Hvenær sem „breyt­ing­arn­ar“ koma upp úr pukr­inu sem þær eru unn­ar í, sýna viðbrögðin að ekki er fjöður fyr­ir því að þarna sé ferðinni „krafa þjóðar­inn­ar“ sem hafi ekki verið svarað.“