Hér hefur oft verið fullyrt að bæði Þórdís Kolbrún Reykfjörð Gylfadóttir og Áslaug Arna Sigurbjörnsdóttir hafa verðskuldað að verða ráðherrar. Þær séu einfaldlega meðal fremstu þingmanna Sjálfstæðisflokksins. Vandséð er hvaða þingmenn aðrir hefðu verið betri til að fá embættin.
Þar sem Bjarni var þetta áræðinn að velja unga þingmenn til æðstu metorða bar honum að fylgja þeim úr hlaði. Benda á hvað má og hvað ekki. Eflaust gerði hann það. Allt byggt á hans eigin reynslu. Segja má að Bjarni hafi ekki þurft að hafa svo mikið fyrir sínu. Alltaf fengið mikið fyrir lítið.
Hin pólitíska leiðsögn Bjarna er að skila sér. Ljóst er að bæði Þórdís Kolbrún og Áslaug Arna meta það sem svo að þeim leyfist eitt og annað. Til dæmis að sóttvarnarreglur séu ekki fyrir ráðherra og þyrlusveit Landhelgisgæslunnar séu ekki síst til að skutla ráðherrum hingað og þangað.
Þetta er bara eitthvað svo líkt Bjarna. Hann, „fyrirmennið“, þekkir ekki annað en vera aðal. Þær hafa eflaust, báðar tvær, verið fyrirtaksnemendur. Það jú nýliðar sem fyrir þá er lagt. Sjálfstæðisflokkurinn telur gagnrýni á háttalag þeirra stallsystra vera árás á flokkinn. Árás á svigrúm íslenskra „fyrirmenna“.
-sme
