Jón Gunnarsson, hinn eini sanni gefur framsóknarfólki fast olnbogaskot.
„Taugaveiklun þingmanna fyrir kosningar tekur á sig ýmsar myndir. Þessar ásakanir Ásmundar eru ein birtingarmynd þeirra. Enn og aftur standast fullyrðingar framsóknarmanna enga skoðun. Alþingi hefur nýverið afgreitt fjárlög sem ALLIR ÞINGMENN FRAMSÓKNAR samþykktu. Það er Alþingi sem hefur fjárveitingavaldið en ekki fjármálaráðherra. Skilningsleysi Ásmundar eða kannski frekar tilraunir til blekkingar breyta engu þar um.
Það er þó ekki nýlunda að núverandi fjármálaráðherra sé tilbúinn að sólunda fé án heimilda frá Alþingi og því má leiða líkum að því að hér sé enn ein birtingarmynd ábyrgðarleysis framsóknarmanna á ferðinni. Við þekkjum vel dæmin um hvernig núverandi fjármálaráðherra hunsaði vilja þingsins gagnvart samgönguáætlun á 7 ára ferli sínum sem ráðherra samgöngumála. Þar var sólundað með fé og forgangsraðað verkefnum án þess að sækja heimildir fyrir því til Alþingis. Það er skýringin á miklum seinkunum á öðrum forgangsverkefnum víða um land. Ég segi við Ásmund og aðra framsóknarmenn í taugveiklun þeirra, RÓA SIG og líttu þér nær.“
