Ljósmynd: Vísir.
Guðlaugur Þór eflaust hinn duglegasti maður. Einkum og sér í lagi við að búa til þarflaus verk fyrir Björn Bjarnason. Við sem héldum að búið væri að tryggja Birni sannkallaðan lúxuslífeyri. Nei, hann fær greinilega aldrei nóg. Krefst alltaf meira og meira.
Guðlaugur Þór er Valhellingur. Innmúraður og innvígður. Með láði. Hann er trúr sínum. Birni vantaði eitthvað til að fylla í tómar stundir. Guðlaugur Þór fól honum að skrifa skýrslu um EES eða eitthvað. Skýrslu sem kostaði mikið en fæddist andvana. Öllum er með öllu nákvæmlega sama hvað í henni stendur. Rétt eins og er með rándýra skýrsla þeirra Bjarna og Hannesar. Innihaldið er allt gleymt þeim fáu sem lásu.
Nú vill Björn meira og fær. Hann fær fullt af peningum til að skrifa nýja skýrslu. Öllum, hverju og einu okkar, stendur fullkomlega á sama um hvað hann ætar að skrifa. Guðlaugur Þór er ekki þar undanskilinn. Gagnslaus atvinnubótavinna. Væntanleg skýrsla verður ekki lesin. Ekki notuð.
Þannig er líf þeirra innmúruðu og innvígðu. Þeir ganga frjálsir í sjóði samfélagsins. Ekki er hirt um tilgang eða þarfir.
