Gunnar Smári skrifar:
Þessi sex ár voru töpuð ár.
Þorsteinn Víglundsson hélt áfram að delera í Kastljósi, sagði að þjóðarsáttin 1990 hefði stöðvað kreppu og læknað efnahagslífið. Hið rétta er að þjóðarsáttin breytti samdrætti í kreppu. Frá 1989 til 1995 jókst landsframleiðsla á mann aðeins um 0,95%, ekki á ári heldur yfir allt tímabilið. Þessi sex ár voru töpuð ár. Ástæðan? Verkalýðshreyfingin féllst á að greiða niður verðbólgu með djöfullegri kjaraskerðingu, taka á sig kaupmáttarfall, sem síðan leiddi til kreppu vegna skorts á eftirspurn. Jafn langan tíma fyrir þjóðarsátt jókst landsframleiðsla á mann um 20,75%. Þá voru kjaradeilur, einkum opinberra landsmanna, og blússandi gangur í þjóðlífinu.
