Gunnar Smári skrifar:
Eftir að þau sem sýsla með hlutabréf, starfsfólks banka og lífeyrissjóða fyrst og fremst, höfðu reynt að slá á umræðuna um stórkostlegar gjafir ríkisstjórnarinnar til hinna ríku, með því að halda bréfunum undir 100, misstu þau bréfin upp í gær og í dag hafa þau slegið undir 109, vilja fara ofar. Líklega ætlar þetta fólk, sem allt er meira og minna með tengsl inn í eiturtengsl viðskipta og stjórnmála, xD og SA, að reyna að halda verðinu undir 110 sem lengst. Málið er hins vegar að sé verðmæti á bréfum Íslandsbanka og Arionbanka borin saman þá ætti verðið á bréfum Íslandsbanka að vera um 130. Þegar bréfin komast þangað verður ljóst að ríkisstjórnin gaf þeim sem keyptu bréfin um 35 milljarða, næstum helminginn af því sem Bjarni og Sigmundur gáfu betur settu fjölskyldunum í svokallaðri leiðréttingu. Og margfalt það sem ríkisstjórnin hefur lagt til aukinna framlaga til heilbrigðiskerfisins á tímum cóvid. Ríka fólkið er ofar á lista Katrínar og Bjarna. Þegar bréfin slá nú í 109 hafa 21 milljarður af gjöfinni komið fram.