Hvaða stjórnmálamenn eru flæktir í spillinguna? Af hverju er Kristján Þór Júlíusson enn þá sjávarútvegsráðherra?
Katrín Baldursdóttir skrifar:
Það mun enginn taka mark á einu orði sem Björgólfur Jóhannsson segir í framtíðinni. Hvorki á Íslandi né annars staðar í heiminum. Örugglega flestir vegna þess að hann lýgur svo rosalega, eða vegna þess að honum er fjarstýrt af mestu spillingaröflum á Íslandi, eða einfaldlega vegna þess að hann virkar svo einfaldur og heimskur þegar segist trúa því að Þorsteinn Már og Samherjamenn hafi ekki gert neitt ólöglegt. Mér finnst líklegasta skýringin að hann sé að ljúga fyrir Samherjamenn vegna þess að hann er í bullandi svindli, svínarí og spillingu með Þorsteini Má. Líklegast á hann allt sitt undir því að sanna sakleysi Samherjamanna.
Og nú fer að hitna undir ríkisstjórninni.
Hvað er í gangi? Hvað er það sem kraumar þarna undir? Hvaða hulduher spilltra manna hafa verið og eru að gambla með og stela verðmætum þjóðarinnar og erlendra ríkja? Hvaða klúbbur er þetta? Hvað mun koma í ljós? Af hverju eru íslensk stjórnvöld svona lömuð þegar kemur að þessu svívirðilega Samherjamáli? Hvaða stjórnmálamenn eru flæktir í spillinguna? Af hverju er Kristján Þór Júlíusson enn þá sjávarútvegsráðherra? Hversu víðfeðm er flækja aflandsreikninga í eigu íslenskra aðila? Hvað eiga spilltir auðmenn og stjórnmálamenn mikla peninga á aflandsreikningum? Hversu miklu hafa þeir stolið undan skatti?
Þetta eru brennandi spurningar. Og nú fer að hitna undir ríkisstjórninni. Nú er að koma jól og svo áramót. Smá hlé. En svo er ekki hægt að bíða lengur eftir svörum.