„Þetta eru á bilinu 700 til 750 fermetrar sem eru tómir núna og við erum lítið sem ekkert að nota og gætum tæmt. Það er enginn starfsmaður þar með starfsaðstöðu en við erum að nýta fundarherbergið á meðan enginn annar er að nýta þetta,“ segir Eyþór Björnsson, fiskistofustjóri í samtali við Fréttablaðið.
Leiguverðið er tvær milljónir á mánuði. Það er fyrir tómt húsnæði Fiskistofu við Dalshraun í Hafnarfirði. Leigusamningurinn er bindandi út árið 2025. Það er rétt um 25 milljónir á ári, út árið 2025.
Fiskistofa borgar nokkrum starfsmönnum vegna starfslokasamninga. Í Fréttablaðinu segir Eyþór að ellefu hafi látið af störfum vegna flutninga norður. Hann segir ekki alla hafa fengið greiðslur vegna starfsloka, „…og þeir sem fengu greiðslur hafi fengið misjafnlega mikið. Það hafi farið eftir starfslokarétti.“
Nú mun vera að hefjast vinna við útreikninga sem eiga að sýna hver kostnaðurinn verður af flutningunum.
