Má biðja þig að skrifa undir þessa sjálfsögðu kröfu eldra fólks og öryrkja, um það verði ekki skilin eftir með næstum 80 þús. kr. undir lágmarkslaunum (sem þó er ekki hægt að lifa af). Þú mátt líka deila sem víðast og hvetja fólk til að skrifa undir. https://emmell.is/
Munurinn á lægsta örorkulífeyri og lágmarkslaunum er eilítið minni, rúmlega 66 þús. kr. frá 1. apríl 2019 og verður tæplega 76 þús. kr. frá 1. apríl næstkomandi.
Öllum ætti að vera ljóst að með því að láta öryrkja og eftirlaunafólk hafa tekjur sem eru langt undir lágmarkslaunum er verið að dæma tug þúsundir af varnarlausasta fólki landsins til grimmrar fátækar.
Við mótmælum öll þessum ráðagerðum ríkisstjórnarinnar og krefjumst þess að lægstu eftirlaun og örorkulífeyrir hækki afturvirkt frá 1. apríl 2019 upp í 317 þús. kr. og hækki frá 1. apríl næstkomandi upp í 335 þús. kr. á mánuði.
Það varla hægt að lifa af lágmarkslaunum og það á ekki að þekkjast að nokkur sé með lægri tekjur en lágmarkslaun.
Höfnum mannvonsku stjórnvalda og stöndum með fátækasta fólkinu. Krafan er:
Engin með minna en lágmarkslaun.
