Katrín Baldursdóttir er ekki sátt með fréttstofu rúv:
Alveg er ég undrandi á uppsetningu og fréttavali á RÚV! Hvers vegna var það ekki fyrsta frétt og uppsláttur kvöldsins í sjónvarpsfréttunum að aðeins 13,5% landsmanna vilja selja bankana. Það að Bjarni Ben vilji selja bankana er eldgömul frétt og alls ekki efni í uppslátt og fyrstu frétt. Það eru nýrri upplýsingar hvað lítill hluti þjóðarinnar vill selja bankana og auðvitað miklu meira fréttaefni. Ég hef fylgst með fréttum mjög lengi, var starfandi blaða-og fréttamaður um árabil og starfaði meðal annars á RUV. Aldrei hef ég upplifað eins mikið dekur við Sjálfstæðisflokkinn, Samtök atvinnulífsins og aðra talsmenn fjármálaaflanna á Íslandi eins og um þessar mundir. Rannsóknarfréttamennska er gufuð upp á RUV. Vaktstjóri frétta í kvöld var Sigríður Dögg Auðunsdóttir en þar sem fréttastjórinn sjálfur Rakel Þorbergsdóttir las fréttirnar hefði hún auðvitað átt að taka í taumana og bjóða ekki upp á eldgamla frétt og drottingarviðtal við Bjarna Ben sem fyrstu frétt og fela nánast vilja þjóðarinnar í miðri fréttinni. Rakel ber auðvitað ábyrgð á þessu og hefði átt með réttu að stoppa þetta af.
