Gunnar Smári skrifar:
Ekki samkvæmt fjárlagafrumvarpinu. Þar er skattrannsóknarstjóri t.d. með mun lægri upphæð en embættið fékk 2017. Samkvæmt frumvarpinu fær skattrannsóknarstjóri árið 2022 tæplega 14 prósent minna að raunvirði en embættið fékk 2017. Héraðssaksóknari fær minna á næsta ári en í ár og enn minna samkvæmt áætlun 2022, munar tæpum 10 prósentum. Stjórnmálafólk verður að hætta að láta sem orð þess hafi meira vægi en gjörðir. Af ávöxtunum skulið þér þekkja þau. Ekki láta fagurgala og innihaldslaust blaður blekkja ykkur. Stjórnmálafólkið er að vinna fyrir allt annað fólk en ykkur, það þykist vera að vinna fyrir ykkur en þegar á reynir þá eru það allt önnur öfl sem stjórna.
