Örstuttur leshringur um furðuheima er hluti af Lestrarhátíð í Bókmenntaborg nú í október. Þátttakendur í leshringnum munu fá sendar í tölvupósti þrjár smásögur eftir pólsku rithöfundana Bruno Schulz, Stanisław Lem og Sławomir Mrożek, og hittast síðan eina kvöldstund í aðalsafni Borgarbókasafnsins í Tryggvagötu, fimmtudaginn 23.október kl 20-22. Þar mun Olga Holownia kynna höfundana fyrir lesendum og stjórna umræðunum sem verða bæði á íslensku og ensku.
Sjá nánari upplýsingar um leshringinn á vef Bókmenntaborgarinnar.
Áhugasömum er bent á að senda tölvupóst á netfangið bokmenntaborgin@reykjavik.is