Þessi strákur heitir Bragi, ef ég man rétt og ef þú lest þetta, þá bara eitt stórt takk og knús!
Konráð Ragnarsson, sem er einn þeirra sem var vistaður á Breiðavík, skrifar:
Tveimur vikum eftir að ég kom frá Breiðavík, vildi móðir mín tala við mig. Hún sagði, til að fá þig heim varð ég að fallast á skilyrði „barnaverndar“ í Hafnarfirði, en þau voru að ég gat ekki verið í bænum yfir sumartímann, sem sagt yrði að fara í sveit yfir sumarið. Þetta var mikið áfall fyrir mig, enda enn þá með áfallastreituröskun eftir Breiðavíkur vistina. Ég sá á mömmu að þessi tími sem ég var í burtu, hafði tekið sinn toll af henni og svo kom þetta. Það var ekki svo að barnaverndarnefnd sendi mig eitthvað, heldur átti móðir mín að redda mér vist einhvers staðar sem og hún gerði. Hafði hitt eldri mann úr sveitinni á hjúkrunarheimilinu sem hún starfaði á. Hann samþykkti að taka mig yfir sumarið. Þetta gekk allt fljótt fyrir sig og áður en ég vissi af þá var ég enn einu sinni á leiðinni í eitthvað rassgat sem ég vissi ekkert um.
Vistin var erfið og ég engan veginn tilbúin að takast á við eina vistina í viðbót.
Vistin var erfið og ég engan veginn tilbúin að takast á við eina vistina í viðbót. 13 ár gamall og ég byrjaði að pissa undir fljótlega eftir að ég kom í sveitina sem segir margt um mína líðan og ekki var það til að bæta sálarlífið eða samskiptin við heimafólkið enda ekkert heitt vatn á býlinu, þannig að allur þvottur var mikið verk. Síðan til að bæta gráu ofan á svart þá kom strákur úr Hafnarfirði sem ég kannaðist við og hann mig. Hann var eitthvað skyldur heimafólkinu og var þarna að mig minnir 1 eða 2 vikur. Jú maður hefði kannski haldið að þetta mundi bæta vistina, en svo var ekki. Það versta sem hefði getað komið fyrir mig, kom fyrir mig, það var að fá einhvern sem bjó í HF og þekkti mig að auki, svo mikið skammaðist ég mín fyrir að pissa undir. Var eiginlega viss um, að eftir dvöl hans þarna, myndi hann kjafta þessu í alla í HF. Þannig nú var erfitt að koma aftur í bæinn, shit hvað þetta var allt erfitt.
Á þessu tíma var engin skilningur á þessu pisseríi, maður var talinn hálf skrítinn ef maður pissaði undir og hvað þá kominn á 13 aldur. Þetta var líka algjört bensín á einelti sem var ansi algengt á þessum tíma.
En seinna þegar ég var kominn í Hafnarfjörð og hættur að fara í sveit fann ég aldrei að einhver hafi vitað að þessu og er ég honum ævinlega þakklátur fyrir að hafa ekki kjaftað þessu. Þessi strákur heitir Bragi, ef ég man rétt og ef þú lest þetta, þá bara eitt stórt takk og knús!
Fuck you öll þið hin sem reyndu að brjóta mig og móðir mína niður, stend enn þá, þó ég sé búin að missa einn fót og fullt af öðru líkamsdóti og móðir mín sem er enn sæmilega hress og kominn á 96 árið. Einn daginn mun ég pissa á gröf ykkar!
