-sme:
Það er skítadjobb sem Dagur var fljótur að koma sér í skjól og því hefur það verið hlutskipti Einar að vera til varnar slælegri stjórn Reykjavíkur á liðnum árum.
Kannski stóð Einar Þorsteinsson einungis frammi fyrir vondum kostum eftir borgarstjórnarkosningar. Hann hafði jú gefið kost á sér í forystuhlutverk. Hann valdi að vinna með Degi B. Eggertssyni og samstarfsfólki hans.
Ekki er víst að Einar hafi gert sér fulla greina fyrir hvernig staðan var. Hversu illa hefur tekist upp í Reykjavík. Þar er allt í kaldakoli. Sumt vegna lélegrar stjórnunar og við bættist mygla í mörgum byggingum borgarinnar.
Í stað þess að geta notið sín, sem formaður borgarráðs og verðandi borgarstjóri, hleypur hann til með lekadalla nánast alls staðar í borgarkerfinu. Það er skítadjobb sem Dagur var fljótur að koma sér í skjól og því hefur það verið hlutskipti Einar að vera til varnar slælegri stjórn Reykjavíkur á liðnum árum.
Nú hafa þau í meirihlutanum játað á sig skammirnar. Sem í sjálfu sér var ekkert merkilegt. Þetta virtust allir vita. Skuldirnar eru hættulega miklar. Reykjavík getur ekki einu sinni slegið af ævintýralegum fasteignagjöldum. Það gera öll önnur stærri sveitarfélaga.
Erfiðir tímar eru fram undan. Dagur hættir áður en skipið sekkur. (Kanni ekki við að segja að það geri rotturnar, flýji sökkvandi skip, og því er best að gera það ekki).
Borgin hefur lagt fram áætlun um sparnað. Trúlega gengur það ekki allt. Vitað er að meira þarf til.
Það bíður nýliðans Einars Þorsteinssonar.
