Kjaramál „Að sjálfsögðu eigum við að virða verkfallsrétt. Þetta hefur ekkert með það að gera en verkfallsvopninu er misbeitt, og þá á ég við bitið í því, eftir því hvaða starfsstéttir eiga í hlut. Það er bara svoleiðis. Ákveðnar starfsstéttir leggja niður störf og þá hefur það mismunandi áhrif á mismunandi þætti samfélagsins. Það hefur gríðarlega víðtæk áhrif ef flugfólk okkar, það fólk sem gegnir þessum gríðarlega mikilvægu störfum í tengingu samgangna við landið, við erum eyland og aðstæður okkar eru sérstakar að þessu leyti.“
Nú þegar flugfreyjur stöðva vinnu í sinni kjarabaráttu vofur í þeim þetta sem er hér að ofan, en þetta er bein tilvitnun í Jón Gunnarsson, þingmann Sjálfstðæðisflokksins og formann atvinnuveganefndar þingsins, en þessi orð lét hann falla þegar lög voru sett á aðgerðir flugstjóra.
Og hann hélt áfram og sagði: „Hvort þetta eru fimm þúsund manns eða 100 þúsund manns, það getur líka verið mismikil sem áhrifin eru á fólk og samfélög. Verkfallið í Vestmannaeyjum hafði mjög alvarlega afleiðingar fyrir það samfélag. Auðvitað verðum við að horfa á dæmin í hvert sinn.“