Eiginkona landsliðsmanns upplifði „óþverra“ í stúkunni: „Þetta er kærasta XXX, hún er svo ljót“

Stefanía Sigurðardóttir, eiginkona Birkis Más Sævarssonar, fyrrverandi landsliðsmanns í fótbolta, varð fyrir gífurlegum vonbrigðum í s´túkunni á Laugardalsvelli í gærkvöldið. Hún varð orðlaus yfir því sem hún kallar „óþverra“ sem áhorfendur létu út úr sér.

Stefanía tísti um málið þar sem hún segir frá upplifun sinni í stúkunni:

„Varð fyrir svo miklum vonbrigðum með óþverrann í stúkunni í kvöld eftir leik. Leikmenn ganga til klefa og fjölskyldur þeirra að bíða eftir að fá að knúsa sína menn “þetta er kærasta XXX, hún er svo ljót” Gott fólk!,“ segir hún.

Í lok færslunnar þakkar Stefanía fyrir baráttusamtökin Öfga og segir að samfélagið þurfi svo sannarlega á þeim að halda. Öfgakonur brugðust við og svöruðu færslunni:

„Þetta er ömurleg kvenfyrirlitning. Við þurfum svo sannarlega að halda áfram í róttækum aktívisma og vinna gegn þeirri þróun að virði kvenna felist í útliti.“