Ég harma að rangfærslur…
Sólveig Anna skrifar:
Yfirlýsing vegna rangfærslna starfsmanns skrifstofu Eflingar í fjölmiðlum:
Gabríel Benjamín, sem er starfsmaður kjaramálasviðs og jafnframt trúnaðarmaður á vinnustaðnum, hélt því fram í viðtali við Mbl.is að sökum manneklu yrði ekki unnt að greiða út sjúkradagpeninga til félagsfólks. Jafnframt hélt hann því fram að launakröfur myndu ekki innheimtast. Þá sakaði hann mig um ósannsögli í skilaboðum til félagsfólks sem ég sendi í tölvupósti í gærkvöldi.
Starfandi yfirmaður skrifstofunnar hefur rætt við Gabríel og fyrir liggur að þessar fullyrðingar hans eru rangar og standast enga skoðum. Sjúkradagpeningar verða greiddir og launakröfur verða innheimtar, þó svo að einhverjar tafir á þjónustu kunni að verða.
Ég harma að rangfærslur um starfsemi skrifstofunnar eigi svo greiðan aðgang að fjölmiðlum. Ég vona að fólk sjái í gegnum þennan grófa áróður, þrátt fyrir að hann endurómi af einhverjum ástæðum linnulaust um allt samfélagið okkar.
