Áslaug Arna Sigurbjörnsdóttur ráðherra skrifaði:
Stjórnmál „Það skiptir máli að fólk hafi raunverulegt val óháð félagslegri stöðu og efnahag.
Á Íslandi ríkir samfélagsleg sátt um jafnt aðgengi að menntun og heilbrigðisþjónustu. Menntun er öflugasta og skilvirkasta verkfærið í að tryggja öllum jöfn tækifæri.
Verkfærið nýtist þó illa ef við tryggjum ekki jafnræði milli rekstrarforma. Breytt fjármögnun háskóla er áfangi á langri leið sem er fyrir höndum til að auka gæði menntunar, samkeppni og auka fjölbreytileika sem aldrei næst með einsleitu ríkisreknu menntakerfi.
Íslenskt atvinnulíf þarf fleira fólk með menntun og sérþekkingu á háskólastigi en við menntum talsvert færri í háskólum en löndin í kringum okkur og alltof fáa í raun- og tæknigreinum.
Ég treysti fólki betur en ríkinu til að velja fyrir sig. Það er því hlutverk okkar sem erum í stjórnmálum að úthluta fjármagni þannig að það stýri ekki vali fólks heldur tryggi ólíka og fjölbreytta valkosti.“