Sannleikur málsins staðfestur hjá Deloitte:
„Eftir athugun Deloitte liggur fyrir að dylgjur fráfarandi formanns Eflingar og þriðja varaforseta ASÍ eru með öllu tilhæfulausar,“ segir Viðar.“ Ætli fólkið sem hefur ráðist að mannorði Viðars, mínu og Andra Sigurðssonar með lygum og rógburði muni biðja okkur afsökunar? Ég læt ykkur vita ef það gerist.
Ég viðurkenni að ég er ekkert sérstaklega vongóð. En sannleikurinn er kominn fram og það skiptir öllu máli fyrir mig. Ég viðurkenni að þessar ásakanir um að við höfum ástundað fjárdrátt og/eða eitthvað óskilgreint fjármálamisferli í Eflingu hafa reynst mjög þungbærar. Þó að manneskja viti að hún sé saklaus hefur það ömurleg áhrif að sitja undir ógeðslegum lygum. Ég vil því aftur þakka fyrir stuðninginn í gegnum alla þessa ömurð. Hann er og hefur verið ómetanlegur. Ég vona af öllu hjarta að núna linni brjálseminni og að þau sem töpuðu baráttunni um félagið sjái sóma sinn í að láta mig, samstarfsfólk mitt og félaga í friði.