Sara Elísa Þórðardóttir, sem situr á Alþingi í fjarveru Helga Hrafns Gunnarssonar, spyr Svandísi Svavarsdóttur, hvað hún hyggist leggja til að ríkið styðji áfram við meðferðarheimilið í Krýsuvík með fjárframlögum? Ef svo er ekki, hvernig hyggst ráðherra þá bregðast við þeirri fækkun innlagnarplássa sem hlytist af lokun heimilisins?
Sara Elísa spyr einnig hvort til standi að fjölga meðferðarúrræðum sambærilegum við það sem rekið er í Krýsuvík.
Nú bíða margir svara Svandísar um hvort meðferð verði áfram í Krýsuvík og ef ekki hvar þá eða hvort ekkert komi í staðinn.
