Samfélag Völva DV gerir ráð fyrir að árið 2016 verði fínt ár fyrir Sigmund Davíð Gunnlaugsson forsætisráðherra.
„Sigmundur Davíð er ólíkindatól í stjórnmálum. Gagnrýni á hann verður síst minni á þessu ári en verið hefur undanfarið. Hann styrkir þó stöðu sína lítillega á árinu og er þar einkum að þakka afnámi hafta en í ljós kemur að sú áætlun stóðst og gott betur. Þjóðin elskar forsætisráðherrann eða hatar og er síðarnefndi hópurinn stærri, en fer þó minnkandi. Sigmundur er einstaklega laginn að strjúka stjórnarandstöðunni öfugt og kveikja litla og stóra elda sem þarf að eyða orku í að slökkva. Hann gerir breytingar á ríkisstjórninni þegar komið er fram á haust. Einum ráðherra er skipt út og einhver tilfærsla verður í verkaskipan.“