Stjórnmál Staða Samfylkingarinnar í Reykjavík er sterk. Lengi framan af kosningabaráttunni stakk hún í stúf við stöðu flokksins víða um land. Það átti líka við um nágrannabyggðir höfuðborgarinnar.
Innan Samfylkingarinnar er horft til, og vonast eftir, að sú hylli sem Dagur B. Eggertsson nýtur muni hafa áhrif til hins betra víðar en í Reykjavík. Viðmælandi Miðjunnar sagði að þess sæi merki. Hann nefndi Kópavog sem dæmi, en fyrir ekki löngu síðan mældist fylgi Samfylkingarinnar þar rétt um tíu prósent en í síðustu könnunum hefur fylgið sem næst tvöfaldast.
Innan Samfylkingarinnar er vonast til að sú blgja sem hefur myndast í Reykjavík, með Samfylkingunni og einkum Degi B. Eggertssyni, muni hafa jákvæð áhrif utan Reykjavíkur.
