Sigurjón Þórðarson skrifar:
Venjulega geta nýir ráðherrar gengið að því vísu að þeim sé ráðið heilt þegar þeir taka til starfa. Ýmislegt bendir til þess að svo hafi ekki verið þegar glænýr sjávarútvegsráðherra tók þá umdeildu ákvörðun að skera hressilega niður þau fáeinu tonn sem ætlað er til strandveiða. Aðför ráðherra Vg að strandveiðunum mun án efa gera frambjóðendum Vg í næstu sveitarstjórnarkosningum erfitt fyrir. Ekki verður róðurinn auðveldari fyrir nýkjörna þingmenn flokksins sem lofuðu því fyrir ekki svo mörgum vikum að efla strandveiðar – þeir eru orðnir hálfgerðir ómerkingar fyrir vikið. Hvernig getur t.d. Bjarni Jónsson þingmaður Vg varið þessa ákvörðun ráðherra. Hann gekk á milli sjómanna sl. sumar og haust, til þess að fá þá til að kjósa flokkinn, með það loforð á vörum að hann skyldi beita sér fyrir því, að festa strandveiðar enn betur í sessi?
Það er er ekki mjög smart þegar róttækur vinstri flokkur setur í algeran forgang að skerða það örlitla jafnræði sem er að finna í fiskveiðistjórnunarkerfinu, á sama tíma og horft er algerlega fram hjá skýrum lögbrotum þeirra stóru, sem eru búnir að sölsa undir sig mun stærri hluta af veiðiheimildum, en lög leyfa.Í skriflegum skýringum ráðherra á því hvers vegna hún tók svo umdeilda ákvörðun sem sögð er byggjast á svo traustum grunni að nánast ómögulegt er að breyta henni, er klifað á að hún byggist á vísindalegri ráðgjöf Hafró, sem sé hornsteinn fiskveiðiráðgjafarinnar. Ekki var einungis nefnd sú skýring að þorskstofninn hefði minnkað heldur einnig sú furðulega skýring að einhverjir tilboðsmarkaðir á loðnu hefðu ekki staðið undir væntingum!!Ekki er þó öll nótt úti, þar sem í svari ráðuneytisins er sagt að úr geti ræst, ef tilboðsmarkaðir á síld, makríl og þorski úr Barentshafinu ganga vel.
Hvaða endemis vitleysa er það, að bjóða upp á þá dauðans dellu að einhver markaður með þorsk í Barentshafinu geti haft áhrif á hvað sé ráðlagt að veiða með handfærum við strendur Íslands?
Ekki dettur mér í hug að núverandi ráðherra hafi soðið þessa vitleysu saman heldur sé þar á ferðinni einhver draugagangur “sérfræðings” í ráðuneytinu. Skyldi Kristján Þór hafa eitthvað með draugaganginn að gera?
Hvað sem því líður þá er hefur þetta mál sína kosti, þar sem það krefst þess að ráðherra setji sig strax inn í málin og taki meintri ráðgjöf í ráðuneytinu hvað séu mögulegt og hvað ekki, með ákveðinni varúð.Nú er að sjá hvort Svandís vilji skrifa sig inn í næstu seríu Verbúðarinnar sem sá stjórnmálamaður sem tók ákvarðanir út frá almannahag eða hélt ótrauð áfram með óbreytt gjörspillt kvótakerfi.https://www.mbl.is/…/svandis_hyggst_ekki_auka…/…