Sigurður Bessason, fráfarandi formaður Eflingar, lætur loks í ljósi skoðanir sínar. Hann hefur í þann langa tíma sem hann hefur verið formaður annars stærsta verkalýðsfélags landsins farið ansi spart með eigin skoðanir og almennt ekki tekið þátt í umræðu um stéttabaráttu.
Nú breytir hann til og opinberar hversu mikill dóni hann er. Hann er þess fullviss að Sólveig Anna Jónsdóttir, sem sækist eftir formennsku í Eflingu, geri það ekki af eigin hvötum eða eigin vilja, heldur sé hún handbendi formanns VR. Sigurður Bessason er sýnilega af gamla skólanum og telur greinilega með öllu óhugsandi að ung kona hafi sjálfstæðan vilja.
Viðtal Moggans við Sigurð sannar betur en margt annað hversu mikil nauðsyn er að nýtt fólk komi til starfa í Eflingu og opni gluggana, hleypi fersku lofti inn. Við lestur viðtalsins skýrist enn betur áður, hversu brýnt er að gera breytingar. Sigurður Bessason ætlar, óafvitandi, að leggja nýju framboði mikið lið.
-sme
