„falsaðar tölur“ eða „fake numbers“
Jón Örn Marinósson:
Mér er nú öllu rórra eftir að Dónaldur Trumpur hefur lýst því yfir að tölur Alþjóða heilbrigðisstofnunarinnar um dánartíðni af völdum COVID-19 séu „falsaðar tölur“ eða „fake numbers“. Hann segist hafa hugboð um að dánartíðnin sé talsvert innan við 1%. Og það gat svo sem verið að viðbúnaður heilbrigðisyfirvalda og almannavarna hér væri að undirlagi Demókrataflokksins og settur á svið til þess eins að koma höggi á Dónald Trump fyrir forsetakosningar í Bandaríkjunum. Já, það er ekki lítils virði fyrir mannkynið að hafa annan eins forystusauð og Dónald Trump í valdastóli í Hvíta húsinu. En hann má vara sig ef Inga Sæland, ekki-sérfræðingur, kemst í tæri við hann.