Dómadagsdella Davíðs í Mogganum

Mogginn herðir róðurinn gegn Sólveigu Önnu og Eflingu. Í leiðaranum segir á einum stað.

„Á mánu­dag féllu tveir dóm­ar. Ann­ars veg­ar úr­sk­urðaði Fé­lags­dóm­ur að verk­falls­boðun Efl­ing­ar á nokkr­um hót­el­um væri lög­leg, en hins veg­ar hafði Héraðsdóm­ur Reykja­vík­ur skömmu áður úr­sk­urðað að rík­is­sátta­semj­ari fengi aðgang að kjör­skrá Efl­ing­ar.

Sól­veig Anna fagnaði verk­fall­inu vita­skuld, en á hinn bóg­inn sagði hún dóm­inn um af­hend­ingu kjör­skrár fé­lags­ins hafa veikt hjá sér von­ir um að í ís­lensku sam­fé­lagi fynd­ist nokk­urt rétt­læti.

Allt er þetta auðvitað dóma­dags­della, til þess gerð að skjóta sér hjá lög­um og rétti.“

Hvaða pilla er nú þetta. Má Efling ekki áfrýja dómum Héraðsdóms? Jú, auðvitað. Meira segja er búið að semja um hraðferð í Landsdóm.

„Hvað svo sem mönn­um finnst um kröf­ur Efl­ing­ar eða til­boð Sam­taka at­vinnu­lífs­ins dett­ur eng­um heil­vita manni í hug að aðilar vinnu­markaðar­ins geti í nafni hags­muna sinna sett sig yfir lög­in.“

Hér er spólað í sama pyttinum.

„Virðing fyr­ir lög­um og rétti er Íslend­ing­um í blóð bor­in. All­ir Íslend­ing­ar vita og skilja, nú sem fyrr, að með lög­um skal land byggja. All­ir vita þeir að það var satt, sem Þor­geir Ljósvetningagoði mælti, að „ef vér slít­um lög­in þá slít­um vér friðinn“. Og all­ir vita þeir að lög eru til lít­ils nema all­ir séu jafn­ir fyr­ir þeim. Það á líka við um Sól­veigu Önnu og Efl­ingu.“

Davíð hættu þessu bulli. Ekkert annað hefur gerst en að dómi hefur verið skotið til hærra dómstigs. Meiri er glæpurinn ekki.