Davíð vill að Svandís verði fryst

Davíð Oddsson reiknar allt eins með stjórnarslitum í haust. Hann vill að Sjálfstæðisflokkurinn hefni sín á Svandísi Svavarsdóttur vegna hvalamálsins. Þar með springi ríkisstjórnin. Þetta kemur fram í leiðara í Mogga dagsins. Fyrirsögnin er: „Sumargleðin í stjórnarráðinu“.

„Breiðsíður Brynj­ars Ní­els­son­ar um rík­is­stjórn­ar­sam­starfið í viðtali við sunnu­dags­blað Morg­un­blaðsins vöktu at­hygli og voru endurómaðar af fleiri flokks­brodd­um Sjálf­stæðismanna, en án ann­ars rök­stuðnings en að ekki hefði allt farið eins og þeir helst kysu. Stjórn­in spring­ur ekki af slík­um umkvört­un­um, ærsl­um og sum­argleði.

Það er þó ekki allt í himna­lagi á stjórn­ar­heim­il­inu, líkt
og Óli Björn Kára­son, þing­flokks­formaður Sjálf­stæðismanna, lýsti af nokkr­um þunga í grein hér á opn­unni fyrr í mánuðinum. Ekki vegna mál­efna­ágrein­ings – hann er alltaf ein­hver – held­ur vegna ögr­ana, óbil­girni og óheil­inda Svandís­ar Svavars­dótt­ur. Að óbreyttu er erfitt að sjá nokk­urt frum­varp henn­ar kom­ast úr þing­flokk­um stjórn­ar­liðsins í haust og þá verður þessu skjót­hætt.

Standi vilji til þess að halda sam­starf­inu áfram þurfa for­ystu­menn rík­is­stjórn­ar­inn­ar að bera klæði á vopn­in nú þegar og svo hafa þeir fram að hausti að ganga tryggi­lega frá fram­hald­inu. Það ger­ist ekki af sjálfu sér.“