Davíð um Loga; að lyfta sér upp í popúlísku orðaskaki

Davíð Oddsson sendir Loga Einarssyni „netta“ sendingu í leiðara dagsins:

„Það kom svo sem ekk­ert á óvart að Logi Ein­ars­son, formaður Sam­fylk­ing­ar­inn­ar, skyldi tala eins og po­púlisti í fyr­ir­spurna­tíma á Alþingi í gær. Sam­fylk­ing­in legg­ur fátt gagn­legt til mála en þrífst helst á hvers kyns lýðskrumi. Um­hugs­un­ar­vert er að á sama tíma þykj­ast sum­ir þing­menn Sam­fylk­ing­ar hafa áhyggj­ur af upp­gangi lýðskrums­flokka, en það er önn­ur saga.

Logi gekk á for­sæt­is­ráðherra vegna kjara­deilna sem nú standa yfir og verk­falla sem hafa munu mik­il áhrif. Auðvitað hefði formaður Sam­fylk­ing­ar­inn­ar átt að beina fyr­ir­spurn­inni til flokks­bróður síns í ráðhús­inu, en það þjónaði ekki þeim til­gangi að slá sig til ridd­ara á kostnað vit­rænn­ar umræðu.

Veru­legt áhyggju­efni er, nú þegar svo erfiðlega horf­ir í efna­hags­mál­um og vinnu­deil­ur auka á vand­ann, að þing­menn og jafn­vel flokks­leiðtog­ar skuli ekki sýna ábyrgð og reyna að stuðla að sátt og leita já­kvæðrar niður­stöðu. Lands­menn þurfa ekki á því að halda nú að þing­menn reyni að ýta und­ir ófrið á vinnu­markaði til að lyfta sér upp í popúlísku orðaskaki.“