Staksteinar Davíðs í dag eru ekkert merkilegri en venjulega. Hann þóknast sínum og sullar saman ógeðsdrykk. Mest fer fyrir afneitun i drykknum og svo brúkar hann handónýt meðaltöl. En hvert er Davíð að fara. Jú, það kristallast allt í þessari setningu: „Um leið er augljóst að ekkert svigrúm er til að ganga lengra en gert hefur verið í launahækkunum.“
Trúlega er hann að vega að Eflingu og fátæka fólkinu þar sem er að fara í aðgerðir í von um að innan borgarstjórnar sé eitthvert réttlæti. Þó ekki væri nema agnarögn. Sú von er reyndar nánast vonlaus.
Davíð er með margar, margar milljónir í laun á mánuði. Frá Mogganum og okkur öllum hinum. Ríkissjóður sparar ekki peninga í kappann þann. Og engar hefur hann skerðingarnar.
Að sveifla sífellt handónýtum meðaltölum er þreytandi. Hvað sem hver segir, Davíð, meðaltölin og Bjarni þá eru allt of margir fátækir á Íslandi. Fólk sem hefur rétt rúmar 200 þúsund krónur á mánuði. Meðan það er ekli lagað verða kapparnir að éta sín fjandans meðaltöl.
-sme
