„Formaður Sjálfstæðisflokksins gladdi flest flokkssystkini sín stórlega þegar hann lýsti því yfir, úr ræðustól Alþingis, sem óskiljanlegu rugli, ætluðu menn sér að samþykkja orkupakkamálið. Flokksmenn voru alls hugar fegnir, og uggðu því ekki að sér fyrir vikið, þegar ekkert reyndist að marka gleðiefnið. Þetta er eitt af þeim stjórnmálalegu undrum sem ekki hafa verið útskýrð. En það er þó ekki brýnast heldur hitt að snúa af þessari ólánsbraut og lagfæra það sem skemmt var í fullkomnu heimildarleysi af óheilu undirmálsliði,“ segir í einum kafla Reykjavíkurbréfs Davíðs.
Davíð er ekki einn úr elsta lagi flokksmanna sem hefur ekki fyrirgefið Bjarna. Bjarni fær að vera óáreittur á formannsstóli meðan hann verndar kvótakerfið, stoppar alla hugsun um Evrópusambandið, passar upp á stjórnarskrána og selur verðmætar ríkiseignir.
