Davíð öskuillur út í Dag og Hildi

„Stórund­ar­legt er að borg­ar­full­trú­ar skuli ekki þegar hafa kært málið til sveit­ar­stjórn­ar­ráðuneyt­is­ins og eft­ir at­vik­um beint því til dóm­stól­anna.“

Davíð Oddsson ritstjóri Moggans.

Staksteinar dagsins í Mogganum eru harðorðir að þessu sinni. Einkum er það Dagur borgarstjóri sem fær á baukinn. Hildur Björnsdóttir, oddviti flokks Davíðs, fær einnig að kenna á því.

„Stór­mál­in hrúg­ast upp hjá borg­inni og verða sí­fellt tor­tryggi­legri. Hættu­leg­ust alls er sú leynd­ar­hyggja sem rík­ir hjá borg­inni, al­gjör­lega að ástæðulausu, og hef­ur aldrei þrif­ist þar áður og á eng­ar for­send­ur. Þeir sem best þekkja til hjá olíu­fé­lög­un­um sem verið er að hygla segja að kraf­an um leynd komi frá borg­ar­stjór­an­um sjálf­um!

Hann seg­ir að þetta sé sam­keppn­is­mál! Hverra hags­muna er maður­inn að gæta? Þrjú olíu­fé­lög fá öll stór­kost­lega fyr­ir­greiðslu sem er hand­an við öll mörk og Dag­ur Eggerts­son borg­ar­stjóri full­yrðir að hvorki borg­ar­full­trú­ar né borg­ar­bú­ar megi fá að sjá ofan í málið vegna „sam­keppnis­ástæðna“.

Odd­viti Sjálf­stæðis­flokks­ins er því miður bullandi van­hæf­ur í mál­inu svo að æp­andi er. Ef glóra er í þess­um full­yrðing­um, sem aðeins eru eru gerðar til að hlífa borg­ar­stjór­an­um, sem er per­sónu­lega á kafi í þessu braski, þá er hér eft­ir hægt að banna all­ar upp­lýs­ing­ar um mál eins og þessi.

Stórund­ar­legt er að borg­ar­full­trú­ar skuli ekki þegar hafa kært málið til sveit­ar­stjórn­ar­ráðuneyt­is­ins og eft­ir at­vik­um beint því til dóm­stól­anna.“

Teljist rétt til eru þá bara Sósíalistaflokkurinn, Flokkur fólksins og Vinstri græn sem standa alveg utan við jukkið sem Davíð telur upp í Staktseinum dagsins.

Hverfum aftur til ársins 2006 þegar tekist var á um nýja bensínsstöð

„Þessi bensínstöð er bara að fá leyfi til tíu ára,“ segir Gísli Marteinn Baldursson, borgarfulltrúi, sem lýst hefur andstöðu sinni við framkvæmdina. Upphaflega átti leyfið að vera til 40 ára en það var minnkað í tíu ár. Landspítalinn fullyrðir við okkur, að hann muni að þeim tíma liðnum, krefjast þess að fá lóðina til uppbyggingar. Það er því verið að byggja þarna bensínstöð sem verður síðan fjarlægð árið 2016,“ segir Gísli Marteinn.

Þetta kom fram í Blaðinu sáluga í júlí 2006.

Gísli Marteinn var í meirihluta í borginni þegar þetta var. Borgarstjóri var Vilhjálmur Þ. Vilhjálmsson, gamli góði Villi.

„Ég hef verið á móti þessu máli frá upphafi. Mér finnst þetta ákaflega vond staðsetning og að mínu mati er það algjörlega óskiljanlegt hvað gamla meirihlutanum gekk til þegar þetta var ákveðið. Vegir R-listans virðast vera órannsakanlegir en við sitjum uppi með þetta og ef við ætluðum okkur að breyta þessu gætum við átt yfir höfði okkar stórt skaðabótamál.“ Gísli tekur fram að ekki sé við ESSO að sakast í málinu. „Þeir vilja auðvitað fá bestu hugsanlegu lóðina sem býðst en það er borgin sem á að sjá til þess að meðalhófs sé gætt í þessu og þarna finnst mér menn hafa misstigið sig.“

Má vera að borgin borgi N1 fyrir þessa lóð?