Davíð og Mogginn snúa öllu á haus

Það er kannski líkt Davíð og Mogganum að snúa öllu á haus. Einkum þegar þeir minni glíma við þá stærri. Þá er einatt tekinn upp málstaður þeirra stærri. Bæjarstjórar byggðanna næst Reykjavík eru allir með tölu meðal hæst launuðustu bæjarstjórum, ekki bara landsins, ó nei, heldur heimsins. Þeir hika ekki við að berja miskunnarlaust á því starfsfólki sinna sveitarfélaga og neita að borga þeim það sama og ríkið og Reykjavík og gera.

Í þessum átökum segir Mogginn og Davíð, einum kór:

„Verka­lýðsfé­lagið Efl­ing hef­ur í þeim kór­ónu­veirufar­aldri sem geisað hef­ur vik­um sam­an hér á landi haldið úti verk­föll­um í viðbót við nær óviðráðan­lega ógn. Þetta hef­ur verið óskilj­an­legt flestu fólki og al­ger­lega úr takti við ástandið í sam­fé­lag­inu.“

Konur eiga sýnilega ekki upp á pallborðið hjá Davíð og Mogganum.

Mikið rétt. Óskiljanlegt að bæjarstjórarnir skuli láta þetta ganga svona langt. Í því ástandi sem hér er.

Svo ósmekklegir eru Davíð og Mogginn að þeir kalla baráttu láglaunafólksins árás á sveitarfélögin. „Að auki fylgdi til­kynn­ingu um frest­un árás á þau sveit­ar­fé­lög sem ekki vilja beygja sig und­ir frá­leit­ar kröf­ur um að semja langt um­fram það sem aðrir hafa gert.“

Næst kemur ómerkilegt klámhögg sem minnir vel á þegar Davíð sagði Katrínu Jakobsdóttur, þegar hún tók við formennsku í VG, vera gluggaskraut. Viðhorf Davíðs til kvenna er ekki merkilegra í dag en það var þá:

„Þá er því hnýtt við að skömm Sam­bands ís­lenskra sveit­ar­fé­laga sé mik­il. Þetta eru ótrú­leg öf­ug­mæli, jafn­vel kom­in frá sendl­um sósí­al­ist­a­leiðtog­ans,“ þarna er ósmekklegt og og óviðunandi subbuskapur í garð Sólveigar Önnu Jónsdóttur. Konur eiga sýnilega ekki upp á pallborðið hjá Davíð og Mogganum.