Davíð og gluggaskrautið Katrín

„Og þá smygl­ar Katrín Jak­obs­dótt­ir for­sæt­is­ráðherra því óum­beðin inn í skjóli kjara­samn­inga.“

Úr leiðara Moggans.

Leiðari Katrín Jakobsdóttir forsætisráðherra hefur verið í skjóli fyrir drullukúlunum úr Hádegismóum. Allt frá því að hún myndaði fyrri ríkisstjórnina með Bjarna Benediktssyni formanni Sjálfstæðisflokksins.

Við munum flest hvað Davíð Oddsson kallaði Katrínu þegar hún tók við formennsku í VG af Steingrími J. Sigfússyni. Davíð hafði ekki miklar mætur á Katrínu og  kallaði hana gluggaskraut Steingríms J.

Í leiðara dagsins í Mogganum í dag brýst fram ómæld afbrýðissemi í garð Katrínar. Að hún hafi náð fram gjaldfrjálsum skólamáltíðum.

„Þau klækja­stjórn­mál eru ekki kostnaðarlaus…“
Úr leiðara Moggans.

Lesum: „Hvergi er það jafn­aug­ljóst og í fyr­ir­ætl­un­um um „gjald­frjáls­ar skóla­máltíðir“ í grunn­skól­um. Er þó ekki vitað til þess að við samn­inga­borðið hafi nokk­ur imprað á því. Hins veg­ar hafa Vinstri græn­ir lengi haft þetta að stefnu­máli en hvorki haft ár­ang­ur um það í héraði né á þingi. Og þá smygl­ar Katrín Jak­obs­dótt­ir for­sæt­is­ráðherra því óum­beðin inn í skjóli kjara­samn­inga.“

Nú bregður svo við að Moggaritstjórinn mærir bæði Sólveigu Önnu og Villa Birgis án þess að nefna þau á nafn.

Meira um Moggann og Katrínu. Í leiðaranum segir um aðkomu Katrínar:

„Þau klækja­stjórn­mál eru ekki kostnaðarlaus fyr­ir skatt­greiðend­ur í krón­um og aur­um talið, en verra er að þessi mann­gæska Vinstri grænna á annarra kostnað geng­ur bein­lín­is gegn mark­miðum þess­ara kjara­samn­inga og gegn efna­hags­stefnu rík­is­stjórn­ar for­sæt­is­ráðherra.

Eða ímynd­ar sér ein­hver ann­ar að það hafi eng­in áhrif að ráðstöf­un­ar­tekj­ur barna­fólks með miðlungs­tekj­ur og yfir séu aukn­ar um marga millj­arða? Seðlabank­inn og pen­inga­stefnu­nefnd hans geta tæp­lega litið öðru­vísi á eða kom­ist hjá því að grípa til sinna ráða.“