„…eins og reynt er að gera í loftslagshasarnum, sem vaxandi efasemdir eru nú um í heiminum…“
„Og þar sem Ísland hefur verið meira eða minna stjórnlaust frá ósköpunum 2009, þegar æstur lýðurinn á Austurvelli treysti Jóhönnu Sigurðardóttur fyrir stól forsætisráðherra undir yfirstjórn Steingríms J. Sigfússonar, gat ekki nokkur efast um almennan góðvilja hans,“ segir í Reykjavíkurbréfi Daviðs.
„Sú stjórn varð verri en hrunið á undan og var þó ekki auðgert. Í eyðileggingarherferðinni þeirri voru skattar hækkaðir 104 sinnum og hægt hefur gengið að greiða úr þeirri flækju, ekki síst þegar kórónuveiran bankaði upp á, heimatilbúin í leðurblökum, í vinabæ Kópavogs, Wuhan í Kína, en í samstarfi við þann sem verið hafði æðsti ráðamaður veirumála í Bandaríkjunum í 40 ár eða svo, dr. Fauchi, sem talaði ekki aðeins í nafni vísindanna heldur hefur lýst því yfir að hann „sé vísindin“ og hundruð þúsunda annarra slíkra þorðu ekki annað en að kyngja því svo að þeir yrðu ekki útskúfaðir, eins og reynt er að gera í loftslagshasarnum, sem vaxandi efasemdir eru nú um í heiminum, en efasemdargreinar um vísindin eru þó ekki enn leyfðar. En hversu lengi langavitleysa þessi heldur skal ekkert um sagt,“ skrifaði Davíð Oddsson.
