Davíð er í nöp við skuldara

…með því að leggja niður Fjöl­miðlanefnd.

„Færri leita nú til rík­is­stofn­un­ar­inn­ar Umboðsmaður skuld­ara en áður og kem­ur ekki á óvart. Stofn­un­inni var komið á fót í kjöl­far falls bank­anna þegar óvenju­lega marg­ir ein­stak­ling­ar áttu í erfiðleik­um með skuld­ir sín­ar,“ þannig byrja Staksteinar dagsins í dag.

„Sú staða hef­ur sem bet­ur fer gjör­breyst, en rík­is­stofn­un­in lif­ir áfram. Sam­kvæmt rekstr­ar­reikn­ingi fyr­ir 2018, sem finna má í mynd­ar­legri árs­skýrslu stofn­un­ar­inn­ar á glæsi­leg­um vef henn­ar, má sjá að skatt­greiðend­ur lögðu henni til nærri 280 millj­ón­ir króna það ár,“ skrifar Davíð Oddsson og upplýsir síðan:

„Á sama vef má sjá að ekki færri en 17 rík­is­starfs­menn eru hjá stofn­un­inni (allt kon­ur – ætli ráðherra jafn­rétt­is­mála hafi verið gert viðvart?).“

Stuðningsreikningur Miðjunnar er: 26-515 521009 Kt: 521009-2920.

Davíð leynir ekki skoðun sinni á stofnuninni. Og ekki heldur á Fjölmiðlanefnd::

„Önnur stofn­un sem einnig varð til eft­ir fall bank­anna er Fjöl­miðlanefnd. Hún á ræt­ur að rekja til aðlög­un­ar­kröfu Evr­ópu­sam­bands­ins í um­sókn­ar­ferl­inu sem vinstri­stjórn­in þvingaði fram. Full ástæða er til að vinda ofan af þeirri aðlög­un með því að leggja niður Fjöl­miðlanefnd, sem ger­ir ekk­ert annað en þvæl­ast fyr­ir frjáls­um fjöl­miðlum og kosta skatt­greiðend­ur stór­fé,“  skrifar Davíð og kannski má taka undir með honum. Tilgangur Fjölmiðlanefndar er hið minnsta óljósari en starf Umboðsmanns skuldara.

Davíð endar  á að senda boltann til Bjarna Benediktssonar:

„Þessi tvö dæmi um rík­is­stofn­an­ir sem voru ekki til fyr­ir ára­tug og eng­in þörf er á sýna svo ekki verður um villst að hægt er að spara í rekstri rík­is­ins. Hvers vegna er það ekki gert?“