Davíð dásamar Sigmund Davíð

Enn undirstrikast að Moggi Davíðs Oddssonar heillast æ meir að Sigmundi Davíð Gunnlaugssyni og flokki hans, Miðflokknum. Í leiðara í dag dásamar Davíð umdeilda grein Sigmundar Davíðs, grein sem birtist í Mogganum á laugardag. Gefum Davíð orðið:

„Sig­mund­ur Davíð Gunn­laugs­son, formaður Miðflokks­ins, fjallaði um mik­il­vægt mál­efni hér í blaðinu á laug­ar­dag í grein sem hann nefndi Sum­arið 2020 og nýja menn­ing­ar­bylt­ing­in. Í grein­inni rakti hann vax­andi áhrif póli­tísks rétt­trúnaðar og þöggunartilburða sem sjást víða um þess­ar mund­ir.“

Trúlega hefur aldrei verið svo langt á milli þeirra félaga. Stuðningur Moggans við Miðflokk Sigmundar Davíðs verður eflaust metinn sögulegur þegar frá líður. Jæja, áfram með leiðarann:

„Sig­mund­ur nefndi ýmis slá­andi dæmi um þetta, þar sem fólk hef­ur verið þvingað til að lýsa yfir stuðningi við málstað sem það hafði ekki hugsað sér að lýsa yfir stuðningi við eða þar sem fólk varð fyr­ir barðinu á rétt­trúnaðinum þar sem það gengi ekki nógu langt. Öfga­menn­irn­ir láta sér ekki endi­lega nægja að fólk lýsi yfir stuðningi við þá, það verður um leið að hafna öllu öðru.“

Við lestur þessa kafla skaust í huga minn tilvitnun í hina frábæru mynd, Sódóma Reykjavík. Þar er sagt á einum stað: „Ég geri sko ekki neitt fyrir neinn sem gerir ekki neitt fyrir neinn.“ Þetta var nú útúrdúr.

Að lokum er önnur tilvitnun sem Davíð birtir úr grein Sigmundar Davíðs. Þið lesið ef þið nennið:

„Hann vék einnig að fjöl­miðlum sem hann sagði ekki vara var­hluta af menn­ing­ar­bylt­ing­unni „og sum­ir þeirra eru virk­ir þátt­tak­end­ur í bar­átt­unni. Ákveðnar sjón­varps­stöðvar gerðu kröfu um að frétta­skýrend­ur bæru nælu til að sýna stuðning sinn við BLM [Black Lives Matter]. Banda­ríska blaðið New York Times sem eitt sinn studd­ist við kjör­orðið „ótta­laust og hlut­laust“ (e. without fear or favour) er fyr­ir löngu orðið áróðurs­blað og varð loks að grín­út­gáfu þess sama áróðurs. Þar missti rit­stjóri aðsendra greina vinn­una eft­ir að hann birti grein frá öld­unga­deild­arþing­manni sem taldi rétt að hafa her­inn í viðbragðsstöðu vegna óeirða í land­inu. Það var ekki síst að kröfu sam­starfs­fólks sem fór ham­förum á Twitter sem maður­inn fór frá. Skömmu síðar sagði kona á sömu deild upp störf­um. Hún var þekkt­ur blaðamaður og birti magnaða grein þar sem hún lýsti einelti af hálfu sam­starfs­manna og því hvernig NYT væri nú rit­stýrt af Twitter. Hún bætti því við að „það ætti ekki að þurfa hug­rekki til að mæta í vinn­una á banda­rísku dag­blaði sem miðjumaður“.“